Jernbanen gir med sine miljøføremoner mogelegheiter til å auke transportarbeidet utan at det går ut over miljøet i same grad som ved andre transportformer.
Om lag 80% av jernbanetrafikken i Noreg skjer med elektriske tog. Toget treng mindre energi enn andre transportformer til å transportere same menge gods eller antall personar. Å flytte meir transport over på bane vil også kunne vere med å redusere talet på trafikkulukker på vegane.
Energibruk
Statistisk Sentralbyrå har laga ei oversikt over energibruk for ulike transportmidlar som syner at jernbanen har lågare energibruk enn andre transportformar.
Miljøkostnader
Når ulike transportmidlar sine miljøkvaliteter skal samanliknast, kan dette gjerast ved å se nærare på einskilde strekningar der det finnast ulike transportalternativ. Vidare kan det for å lette samanlikninga gjerast omrekningar frå miljøbelastningar til miljøkostnader. Jernbaneverket har med hjelp frå Transportøkonomisk Institutt laga ei slik undersøking. Resultater frå undersøkinga finn du i boksen til høgre.
Miljøkostnader (eksterne kostnader) er kun berekna for direkte utslepp av einskilde komponentar til luft. Dette tyder at ting som støy, biologisk mangfald og andre utslapp ikkje er medtekne. Med i utrekningane er heller ikkje andre eksterne kostnader som ulukkeskostnadar og køkostnader, noko som ville styrke jernbanetransport i miljørekneskapen enda meir. Vi har også valgt å rekne eksterne kostnader under ein tenkt føresetnad om at togets elektriske energi ble produsert utelukkende frå gasskraftverk. Som kjent er det berre ein svært liten prosentandel av kraft på den norske marknaden som ikkje kjem frå vasskraftverk.